គណៈគ្រប់គ្រង
លោក គៀត វុត្ថា គឺជាអគ្គនាយក នៅគ្រឹះស្ថានមីក្រូហិរញ្ញវត្ថុ អនាគត ភីអិលស៊ី។ នៅឆ្នាំ ២០០៨ លោកបាន បញ្ចប់ថ្នាក់ បរិញ្ញាបត្រជាន់ខ្ពស់ ផ្នែកគ្រប់គ្រងពាណិជ្ជកម្មហិរញ្ញវត្ថុ ពីសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច នៅក្នុងឆ្នាំ ២០០៨ ដដែលនោះផងដែរ លោកបានបញ្ចប់ថ្នាក់ បរិញ្ញាបត្រភាសាអង់គ្លេស ផ្នែកទំនាក់ទំនងពាណិជ្ជកម្ម នៅសាកលវិទ្យាល័យន័រតុន។ នៅឆ្នាំ ២០០៣ លោកបាន បញ្ចប់ថ្នាក់បរិញ្ញាបត្រសេដ្ឋកិច្ច ជំនាញហិរញ្ញវត្ថុ និងធនាគារ នៅសាកលវិទ្យាល័យន័រតុន។
មុនចូលបម្រើការងារនៅ គ្រឹះស្ថានមីក្រូហិរញ្ញវត្ថុ អនាគត ភីអិលស៊ី លោកមានបទពិសោធន៍លើវិស័យធនាគារ និងគ្រឹះស្ថានមីក្រូហិរញ្ញវត្ថុជាច្រើនឆ្នាំ។ លោកធ្លាប់បម្រើការនៅ ធនាគារ អេស៊ីលីដា ជាមន្រ្តីត្រួតពិនិត្យថវិកា បន្ទាប់មកលោកបានផ្លាស់ប្តូរមក គ្រឹះស្ថានមីក្រូហិរញ្ញវត្ថុ ប្រាសាក់ តួនាទីជា ប្រធានគ្រប់គ្រងគណនេយ្យ។ នៅឆ្នាំ២០១៣ និងឆ្នាំ២០១៤ លោកបាន បម្រើការងារនៅ គ្រឹះស្ថានមីក្រូហិរញ្ញវត្ថុ លី ហួរ ភីអិលស៊ី ជាគណៈគ្រប់គ្រងបណ្ដុះបណ្ដាល និង លី ហួរ លីស៊ីង ភីអិលស៊ី ជានាយកប្រតិបត្តិ។ មុននឹងលោកចូលបម្រើការងារនៅ គ្រឹះស្ថានមីក្រូហិរញ្ញវត្ថុ អនាគត ភីអិលស៊ី លោកបានបម្រើការងារនៅ ធនាគារ ហុងលីអុង តួនាទីជា ប្រធានហិរញ្ញវត្ថុ។
លោក សែន ចេត្តនា បច្ចុប្បន្នគឺជានាយក នាយកដ្ឋានហិរញ្ញវត្ថុ នៃគ្រឹះស្ថានមីក្រូហិរញ្ញវត្ថុ អនាគត ភីអិលស៊ី។ នៅឆ្នាំ ២០០៧ លោកបានទទួលបរិញ្ញាបត្រផែ្នកធនាគារ និងហិរញ្ញវត្ថុពី សាកលវិទ្យាល័យបៀលប្រាយ។ បន្ទាប់មកនៅក្នុងឆ្នាំ ២០១១ លោកបានទទួលបរិញ្ញាបត្រជាន់ខ្ពស់ ផែ្នកធនាគារ និងហិរញ្ញវត្ថុពី សាកលវិទ្យាល័យបៀលប្រាយ និងបានចូលរួមវគ្គហ្វឹកហ្វឺនខ្លីៗ ផ្នែកគណនេយ្យ និងហិរញ្ញវត្ថុជាច្រើនទៀតមុនចូលបម្រើការងារនៅ គ្រឹះស្ថានមីក្រូហិរញ្ញវត្ថុ អនាគត ភីអិលស៊ី។ លោក ចេត្តនា មានបទពិសោធន៍ច្រើនជាង ១៥ ឆ្នាំនៅគ្រឹះស្ថានមីក្រូហិរញ្ញវត្ថុ និងធនាគារ។ លោកធ្លាប់ជា នាយក នាយកដ្ឋានហិរញ្ញវត្ថុ នៅគ្រឹះស្ថានមីក្រូហិរញ្ញវត្ថុ សីលានិធិ ១០ ឆ្នាំធ្លាប់ជាប្រធាននាយកដ្ឋាន ផែ្នកគណនេយ្យនៅ ធនាគារ ភ្នំពេញពាណិជ្ជ រយៈពេល ៤ ឆ្នាំ និងជាប្រធាន នាយកដ្ឋាន ផែ្នកគណនេយ្យនៅ ធនាគារឯកទេស ខេម ខាប់ភីថល រយៈពេល ១ ឆ្នាំ ។
លោក សុខ សុវណ្ណមុន្នី បច្ចុប្បន្នជា នាយក នាយកដ្ឋានឥណទាន នៃគ្រឹះស្ថានមីក្រូហិរញ្ញវត្ថុ អនាគត ភីអិលស៊ី។ លោក កើតនៅឆ្នាំ ១៩៨០ លោកបានចូលបម្រើការងារជាមួយនឹងគ្រឹះស្ថានមីក្រូហិរញ្ញវត្ថុ អនាគត ភីអិលស៊ី នៅខែ ឧសភា ឆ្នាំ ២០១៧។ នៅឆ្នាំ ២០០៤ និងឆ្នាំ ២០០៨ លោកបានបញ្ចប់បរិញ្ញាបត្រ ផ្នែកប្រព័ន្ធគ្រប់គ្រងព័ត៌មាន និងបរិញ្ញាបត្រជាន់ខ្ពស់ ផ្នែកហិរញ្ញវត្ថុ នៅសាកលវិទ្យាល័យ ជាតិគ្រប់គ្រង។ មុនចូលបម្រើការងារ នៅគ្រឹះស្ថានមីក្រូហិរញ្ញវត្ថុ អនាគត ភីអិលស៊ី លោកធ្លាប់ បម្រើការងារនៅធនាគារ អេស៊ីលីដា ជាមន្ត្រីឥណទាន ខ្នាតតូច បន្ទាប់មកលោកត្រូវបាន ដំឡើងតួនាទីជា មន្រ្តីឥណទានខ្នាតមធ្យម តួនាទីចុងក្រោយនៅ ធនាគារ អេស៊ីលីដា របស់លោកគឺជា អនុប្រធានឥណទាន ចាប់ពីឆ្នាំ ២០០៤ រហូតដល់ឆ្នាំ ២០១៥។ នៅក្នុងឆ្នាំ ២០១៥ លោកបានបម្រើការងារ នៅប្រតិបត្តិការឥណទានជា នាយក នាយកដ្ឋានធនធានមនុស្ស។
លោក សុខ វណ្ណសុជា កើតនៅឆ្នាំ ១៩៨០។ លោកបានបញ្ចប់ការសិក្សាថ្នាក់បរិញ្ញាបត្រ ផ្នែកសេដ្ឋកិច្ចអភិវឌ្ឍន៍ នៅសាកលវិទ្យាល័យភូមិន្ទនិតិសាស្ត្រ និងវិទ្យាសាស្ត្រសេដ្ឋកិច្ច។ លោកមាន បទពិសោធន៍ច្រើនជាង ១៣ ឆ្នាំក្នុងកិច្ចការងារឥណទាន។ នៅក្នុងឆ្នាំ ២០០៣ រហូតដល់ឆ្នាំ ២០១៦ លោកបានបម្រើការងារនៅក្នុង ធនាគារ អេស៊ីលីដា ភីអិលស៊ី ក្នុងតួនាទីជា មន្ត្រីឥណទានខ្នាតតូចបំផុត ខ្នាតតូច ខ្នាតមធ្យម ភ្នាក់ងារឥណទានជាន់ខ្ពស់ និងបានដំឡើងថ្នាក់ជា អនុប្រធានភ្នាក់ងារឥណទានប្រចាំសាខា។ នៅឆ្នាំ២០១៦ ដល់ឆ្នាំ ២០១៧ លោកបាន ផ្លាស់ប្តូរកន្លែងការងារទៅ លី ហួរ លីស៊ីង ភីអិលស៊ី ក្នុងតួនាទីជា ប្រធានផ្នែកហានិភ័យឥណទាន។ នៅក្នុងខែមិថុនា ឆ្នាំ ២០១៧ លោកបាន ផ្លាស់ប្តូរទីកន្លែងការងារមកបម្រើការងារជាមួយ និងគ្រឹះស្ថានមីក្រូហិរញ្ញវត្ថុ អនាគត ភីអិលស៊ី ក្នុងតួនាទីជាប្រធានផ្នែកប្រតិបត្តិការ។
លោក ឡុង ចាន់វណ្ណៈ កើតនៅឆ្នាំ ១៩៨៥ បានចូលបម្រើការងារជាមួយ គ្រឹះស្ថានមីក្រូហិរញ្ញវត្ថុ អនគត ភីអិលស៊ី នៅខែវិច្ឆិកា ឆ្នាំ២០១៨ ជាប្រធានសវនកម្មផ្ទៃក្នុង។ លោកមានបទពិសោធន៍ការងារជាមួយធនាគារ និងមីក្រូហិរញ្ញវត្ថុអស់រយៈពេលជាង ៩ ឆ្នាំមកហើយ។ មុនពេលពេលចូលបម្រើការងារនៅ គ្រឹះស្ថានមីក្រូហិរញ្ញវត្ថុ អនាគត ភីអិលស៊ី លោក ចាន់វណ្ណៈ បានធ្វើជាប្រធានផ្នែកសវនកម្មផ្ទៃក្នុងនៅ ធនាគារឯកទេស អុីអន (កម្ពុជា) ភីអិលស៊ី ហើយលោកក៏ធ្លាប់បានបម្រើការងារនៅ គ្រឹះស្ថានមីក្រូហិរញ្ញវត្ថុ ក្រេឌីត ភីអិលស៊ី ផងដែរ ដោយឆ្លងកាត់តួនាទីជាច្រើនដូចជា ភ្នាក់ងារប្រាក់សន្សំ មន្រ្តីឥណទាន និងប្រាក់សន្សំ អ្នកសម្របសម្រួល Kiva និងចុងក្រោយជាសវនករផ្ទៃក្នុង។ លោកទទួលបានសញ្ញាបត្របរិញ្ញាបត្រ ពីសាកលវិទ្យាល័យ ន័រតុន ផ្នែកគ្រប់គ្រងអាជីវកម្ម ជំនាញឯកទេសគណនេយ្យ ក្នុងឆ្នាំ២០០៩ និងបរិញ្ញាប័ត្ររងពី មជ្ឈមណ្ឌល BANANA នៅក្នុង ផ្នែកគ្រប់គ្រងធុរកិច្ច ជំនាញគណនេយ្យ នៅឆ្នាំ ២០០៦ លោក ចាន់វណ្ណៈ ក៏បានចូលរួមវគ្គបណ្តុះបណ្តាលជាច្រើននៅក្នុងប្រទេសកម្ពុជា ដែលទាក់ទងទៅនឹងសវនកម្ម និងពន្ធដារផងដែរ។
លោក ជុំ រិទ្ធី កើតនៅឆ្នាំ ១៩៧៩។ លោកបានបញ្ចប់ការសិក្សាថ្នាក់បរិញ្ញាប័ត្រជាន់ខ្ពស់ ទៅលើផ្នែកគ្រប់គ្រង នៅវិទ្យាស្ថានជាតិពាណិជ្ជសាស្ត្រ។ លោកមានបទពិសោធន៍១៦ឆ្នាំក្នុងកិច្ចការឥណទាន។ នៅក្នុងខែ កញ្ញា ឆ្នាំ ២០០៤ ដល់ខែ ឧសភា ឆ្នាំ ២០០៨ លោកបានចូលបម្រើការនៅគ្រឹះស្ថានមីក្រូហិរញ្ញវត្ថុ ប្រាសាក់ ក្នុងតួនាទីជា មន្ដ្រីឥណទាន នឹងបានដំឡើងតួនាទីជាប្រធានសាខានៅខែ មិថុនា ឆ្នាំ ២០០៨ រហូតដល់ឆ្នាំ ២០១៤។ នៅឆ្នាំ ២០១៥ ដល់ឆ្នាំ ២០១៨ លោកបានផ្លាស់ប្ដូរកន្លែងការងារទៅគ្រឹះស្ថានមីក្រូហិរញ្ញវត្ថុ លី ហួរ ក្នុងតួនាទីជា ប្រធានសាខា ។ នៅក្នុងខែ សីហា ឆ្នាំ ២០២១ លោក បានចូលមកបម្រើការងារជាមួយគ្រឹះស្ថានមីក្រូហិរញ្ញវត្ថុ អនាគត ភីអិលស៊ី ក្នុងតួនាទីជា មន្ត្រីវាយតំលៃឥណទានជាន់ខ្ពស់ ហើយនៅខែ សីហា ឆ្នាំ ២០២២ បានឡើងតំណែងជាប្រធានគាំទ្រសាខា។
អ្នកស្រី វ៉ាត ស្រីពៅ ជាប្រធានធនធានមនុស្ស និងរដ្ឋបាល នៃគ្រឹះស្ថានមីក្រូហិរញ្ញវត្ថុ អនាគត ភីអិលស៊ី។ អ្នកស្រីកើតនៅថ្ងៃទី២០ ខែឧសភា ឆ្នាំ១៩៨៨។ អ្នកស្រីក៏បានចូលមកបម្រើការងារជាមួយ គ្រឹះស្ថានមីក្រូហិរញ្ញវត្ថុអនាគត ភីអិលស៊ី នៅខែធ្នូ ឆ្នាំ២០២១។ អ្នកស្រីបានបញ្ចប់ការសិក្សាថ្នាក់បរិញ្ញាបត្រ ផ្នែកធនាគារ និងហិរញ្ញវត្ថុ ពីសាកលវិទ្យាល័យវេស្ទើន។ មុនពេលអ្នកស្រីចូលបម្រើការងារនៅគ្រឹះស្ថានមីក្រូហិរញ្ញវត្ថុ អនាគត ភីអិលស៊ី អ្នកស្រីធ្លាប់បានបម្រើការងារជា មន្រ្តីបណ្ដុះបណ្ដាលជាន់ខ្ពស់ និងជ្រើសរើសបុគ្គលិក នៃគ្រឹះស្ថាន សំរឹទ្ធិស័ក មីក្រូហិរញ្ញវត្ថុ ពីឆ្នាំ២០១៩ ដល់ឆ្នាំ២០២១ និងជាមន្រ្តីបណ្ដុះបណ្ដាល នៃគ្រឹះស្ថានមីក្រូហិរញ្ញវត្ថុ ប្រាសាក់ ពីឆ្នាំ២០១៥ ដល់ឆ្នាំ២០១៨។ ក្រៅពីការសិក្សា នៅសាកលវិទ្យាល័យ អ្នកស្រីបានចូលរួមវគ្គបណ្តុះបណ្ដាល ជាច្រើនទៀត ដែលទាក់ទងការបណ្ដុះបណ្ដាល និងផ្នែកទំនាក់ទំនង។
លោក ជា សុខលីម កើតនៅឆ្នាំ១៩៨៧។ លោកបានបញ្ចប់ការសិក្សាថ្នាក់បរិញ្ញាបត្រ ផ្នែកគ្រប់គ្រងព័ត៌មានវិទ្យា នៅក្នុងវិទ្យាស្ថានសុីតិក។ លោកមានបទពិសោធន៍ច្រើនជាង ១១ឆ្នាំ ក្នុងកិច្ចការងារផ្នែកព័ត៌មានវិទ្យា។ នៅក្នុងឆ្នាំ២០០៩ រហូតដល់ឆ្នាំ២០១៤ លោកបានបម្រើការងារនៅក្នុងក្រុមហ៊ុនផ្គត់ផ្គង់សេវាកម្មប្រព័ន្ធព័ត៌មានវិទ្យាដ៏ធំមួយនៅក្នុងស្រុក ក្នុងតួនាទីជា វិស្វកម្មម៉ាសុីនមេនិងការផ្ទុក។ នៅឆ្នាំ២០១៤ ដល់ឆ្នាំ២០២២ លោកបានផ្លាស់ប្តូរកន្លែងការងារទៅ គ្រឹះស្ថានមីក្រូហិរញ្ញវត្ថុ ប្រសិទ្ធភាព ហ្វាយនែន ភីអិលសុី ក្នុងតួនាទីជា ប្រធានផ្នែកព័ត៌មានវិទ្យា។ នៅក្នុងខែសីហា ឆ្នាំ២០២៣ លោកបានផ្លាស់ប្តូរទីកន្លែងការងារ មកបម្រើការងារជាមួយនឹងគ្រឹះស្ថានមីក្រូហិរញ្ញវត្ថុ អនាគត ភីអិលស៊ី ក្នុងតួនាទីជាប្រធានព័ត៌មានវិទ្យា។
អ្នកស្រី សៅ រ៉ាឌី ជាប្រធានគណនេយ្យ នៃគ្រឹះស្ថានមីក្រូហិរញ្ញវត្ថុ អនាគត ភីអិលស៊ី ។ អ្នកស្រីកើតនៅឆ្នាំ១៩៨៥ អ្នកស្រីបានចាប់ផ្ដើមបម្រើ ការងារជាមួយគ្រឹះស្ថានមីក្រូហិរញ្ញវត្ថុ អនាគត ភីអិលស៊ី នៅខែកក្កដា ឆ្នាំ២០១៦។ អ្នកស្រីបានបញ្ចប់ការសិក្សាថ្នាក់បរិញ្ញាបត្រ ផ្នែកគណនេយ្យ នៅសាកលវិទ្យាល័យគ្រប់គ្រង និងសេដ្ឋកិច្ច ។ មុនពេលអ្នកស្រីចូលបម្រើការងារនៅគ្រឹះស្ថានមីក្រូហិរញ្ញវត្ថុ អនាគត ភីអិលស៊ី អ្នកស្រីធ្លាប់បម្រើការងារ នៅគ្រឹះស្ថានមីក្រូហិរញ្ញវត្ថុ ហត្ថាកសិករ លីមីធីត អស់រយៈពេល ៦ឆ្នាំពីឆ្នាំ ២០០៨ ដល់ចុងឆ្នាំ ២០១៤ តួនាទីចុងក្រោយជាប្រធានគណនេយ្យ។ ក្រៅពីការសិក្សានៅសាកលវិទ្យាល័យ អ្នកស្រីក៏បានចូលរួមវគ្គបណ្តុះបណ្តាលជាច្រើនទៀត ទៅលើផ្នែកគណនេយ្យ ។
Head Office
House 245, Monivong Boulevard, Sangkat Orussey 4, Khan 7 Makara, Phnom Penh, Camodia.
(855) 23 223 139
E-mail: info@anakutmfi.com
follow us
