គណៈគ្រប់គ្រង
លោក សុខ សុវណ្ណមុន្នី បច្ចុប្បន្នជា អគ្គនាយកស្តីទី នៃគ្រឹះស្ថានមីក្រូហិរញ្ញវត្ថុ អនាគត ភីអិលស៊ី។ លោក កើតនៅឆ្នាំ ១៩៨០ លោកបានចូលបម្រើការងារជាមួយនឹងគ្រឹះស្ថានមីក្រូហិរញ្ញវត្ថុ អនាគត ភីអិលស៊ី នៅខែ ឧសភា ឆ្នាំ ២០១៧។ នៅឆ្នាំ ២០០៤ និងឆ្នាំ ២០០៨ លោកបានបញ្ចប់បរិញ្ញាបត្រ ផ្នែកប្រព័ន្ធគ្រប់គ្រងព័ត៌មាន និងបរិញ្ញាបត្រជាន់ខ្ពស់ ផ្នែកហិរញ្ញវត្ថុ នៅសាកលវិទ្យាល័យ ជាតិគ្រប់គ្រង។ មុនចូលបម្រើការងារ នៅគ្រឹះស្ថានមីក្រូហិរញ្ញវត្ថុ អនាគត ភីអិលស៊ី លោកធ្លាប់ បម្រើការងារនៅធនាគារ អេស៊ីលីដា ជាមន្ត្រីឥណទាន ខ្នាតតូច បន្ទាប់មកលោកត្រូវបាន ដំឡើងតួនាទីជា មន្រ្តីឥណទានខ្នាតមធ្យម តួនាទីចុងក្រោយនៅ ធនាគារ អេស៊ីលីដា របស់លោកគឺជា អនុប្រធានឥណទាន ចាប់ពីឆ្នាំ ២០០៤ រហូតដល់ឆ្នាំ ២០១៥។ នៅក្នុងឆ្នាំ ២០១៥ លោកបានបម្រើការងារ នៅប្រតិបត្តិការឥណទានជា នាយក នាយកដ្ឋានធនធានមនុស្ស។
លោក សែន ចេត្តនា បច្ចុប្បន្នគឺជានាយក នាយកដ្ឋានហិរញ្ញវត្ថុ នៃគ្រឹះស្ថានមីក្រូហិរញ្ញវត្ថុ អនាគត ភីអិលស៊ី។ នៅឆ្នាំ ២០០៧ លោកបានទទួលបរិញ្ញាបត្រផែ្នកធនាគារ និងហិរញ្ញវត្ថុពី សាកលវិទ្យាល័យបៀលប្រាយ។ បន្ទាប់មកនៅក្នុងឆ្នាំ ២០១១ លោកបានទទួលបរិញ្ញាបត្រជាន់ខ្ពស់ ផែ្នកធនាគារ និងហិរញ្ញវត្ថុពី សាកលវិទ្យាល័យបៀលប្រាយ និងបានចូលរួមវគ្គហ្វឹកហ្វឺនខ្លីៗ ផ្នែកគណនេយ្យ និងហិរញ្ញវត្ថុជាច្រើនទៀតមុនចូលបម្រើការងារនៅ គ្រឹះស្ថានមីក្រូហិរញ្ញវត្ថុ អនាគត ភីអិលស៊ី។ លោក ចេត្តនា មានបទពិសោធន៍ច្រើនជាង ១៥ ឆ្នាំនៅគ្រឹះស្ថានមីក្រូហិរញ្ញវត្ថុ និងធនាគារ។ លោកធ្លាប់ជា នាយក នាយកដ្ឋានហិរញ្ញវត្ថុ នៅគ្រឹះស្ថានមីក្រូហិរញ្ញវត្ថុ សីលានិធិ ១០ ឆ្នាំធ្លាប់ជាប្រធាននាយកដ្ឋាន ផែ្នកគណនេយ្យនៅ ធនាគារ ភ្នំពេញពាណិជ្ជ រយៈពេល ៤ ឆ្នាំ និងជាប្រធាន នាយកដ្ឋាន ផែ្នកគណនេយ្យនៅ ធនាគារឯកទេស ខេម ខាប់ភីថល រយៈពេល ១ ឆ្នាំ ។
លោក លោក មួក ម៉ារដេត នាយក នាយកដ្ឋានប្រតិបត្តិតាម និងនីតិកម្ម។ លោកបានបញ្ចប់ថ្នាក់ អនុបណ្ឌិត ផ្នែកគ្រប់គ្រងទូទៅ ពីសាកលវិទ្យាល័យ Norton។ លោកបានបញ្ចប់វគ្គប្រតិបត្តិតាមពីវិទ្យាស្ថានធនាគារ និងហិរញ្ញវត្ថុ (IBF) ក្នុងឆ្នាំ២០១៩ និងបានសិក្សាបន្តវិញ្ញាបនបត្រឡើងវិញ ក្នុងឆ្នាំ២០២៤។ លោកក៏បានទទួលស្គាល់ដោយ International Compliance Association (ICA) លើជំនាញភាពចាំបាច់អភិបាលកិច្ចអាជីវកម្មផងដែរ។ ។ នៅក្នុងខែមិថុនា ឆ្នាំ២០២៦ លោកបានចូលបម្រើការងារជាមួយនឹងគ្រឹះស្ថានមីក្រូហិរញ្ញវត្ថុ អនាគត ភីអិលស៊ី ក្នុងតួនាទីជា នាយក នាយកដ្ឋានប្រតិបត្តិតាម និងនីតិកម្ម។ លោក មានបទពិសោធន៍ជាង ២៣ឆ្នាំក្នុងមុខតំណែងអ្នកគ្រប់គ្រងដូចជា ផ្នែកឥណទាន គណនេយ្យ សវនកម្មផ្ទៃក្នុង ប្រតិបត្តិតាម និងនីតិកម្ម។ លោកមានបទពិសោធន៍រយៈពេល១២ឆ្នាំ ក្នុងតួនាទីជា នាយក នាយកដ្ឋានប្រតិបត្តិតាម និងនីតិកម្ម នៅ ធនាគារពាណិជ្ជ និងធនាគារពាណិជ្ជបរទេស ដែលជាធនាគារបុត្រសម្ព័ន្ធរបស់ South Korea Financial Group។ លោកមានជំនាញខាងផ្នែកអភិបាលកិច្ច និងការត្រួតពិនិត្យផ្ទៃក្នុងរបស់ធនាគារ ជាពិសេស គឺការងារពាក់ព័ន្ធនឹងប្រឆាំងការសម្អាតប្រាក់ និងហិរញ្ញប្បទានភេរវកម្ម។
លោក សុខ វណ្ណសុជា កើតនៅឆ្នាំ ១៩៨០។ លោកបានបញ្ចប់ការសិក្សាថ្នាក់បរិញ្ញាបត្រ ផ្នែកសេដ្ឋកិច្ចអភិវឌ្ឍន៍ នៅសាកលវិទ្យាល័យភូមិន្ទនិតិសាស្ត្រ និងវិទ្យាសាស្ត្រសេដ្ឋកិច្ច។ លោកមាន បទពិសោធន៍ច្រើនជាង ១៣ ឆ្នាំក្នុងកិច្ចការងារឥណទាន។ នៅក្នុងឆ្នាំ ២០០៣ រហូតដល់ឆ្នាំ ២០១៦ លោកបានបម្រើការងារនៅក្នុង ធនាគារ អេស៊ីលីដា ភីអិលស៊ី ក្នុងតួនាទីជា មន្ត្រីឥណទានខ្នាតតូចបំផុត ខ្នាតតូច ខ្នាតមធ្យម ភ្នាក់ងារឥណទានជាន់ខ្ពស់ និងបានដំឡើងថ្នាក់ជា អនុប្រធានភ្នាក់ងារឥណទានប្រចាំសាខា។ នៅឆ្នាំ២០១៦ ដល់ឆ្នាំ ២០១៧ លោកបាន ផ្លាស់ប្តូរកន្លែងការងារទៅ លី ហួរ លីស៊ីង ភីអិលស៊ី ក្នុងតួនាទីជា ប្រធានផ្នែកហានិភ័យឥណទាន។ នៅក្នុងខែមិថុនា ឆ្នាំ ២០១៧ លោកបាន ផ្លាស់ប្តូរទីកន្លែងការងារមកបម្រើការងារជាមួយ និងគ្រឹះស្ថានមីក្រូហិរញ្ញវត្ថុ អនាគត ភីអិលស៊ី ក្នុងតួនាទីជាប្រធានផ្នែកប្រតិបត្តិការ។
លោក ឡុង ចាន់វណ្ណៈ កើតនៅឆ្នាំ១៩៨៥ បានចូលបម្រើការងារជាមួយគ្រឹះស្ថានមីក្រូហិរញ្ញវត្ថុ អនគត ភីអិល ស៊ី នៅខែវិច្ឆិកាឆ្នាំ ២០១៨ ជាប្រធានសវនកម្មផ្ទៃក្នុង។ លោកមានបទពិសោធន៍ការងារជាមួយធនាគារនិងមីក្រូហិរញ្ញវត្ថុអស់រយៈពេលជាង ១៤ ឆ្នាំមកហើយ។ មុនពេលពេលចូលបម្រើការងារនៅគ្រឹះស្ថានមីក្រូហិរញ្ញវត្ថុ អនាគត ភីអិលស៊ី លោកចាន់វណ្ណៈបានធ្វើជាប្រធានផ្នែកសវនកម្មផ្ទៃក្នុងនៅធនាគារឯកទេសអ៊ីអន (កម្ពុជា) ភីអិលស៊ី។ លោកក៏ធ្លាប់បានបម្រើការងារនៅគ្រឹះស្ថានមីក្រូហិរញ្ញវត្ថុក្រេឌីតភីអិលស៊ីផងដែរ ដោយឆ្លងកាត់តួនាទីជាច្រើនដូចជាភ្នាក់ងារប្រាក់សន្សំ មន្រ្តីឥណទាននិងប្រាក់សន្សំ អ្នកសម្របសម្រួល Kiva និងចុងក្រោយជាសវនករផ្ទៃក្នុង។ លោកបានបញ្ចប់ថ្នាក់បរិញ្ញាបត្រជាន់ខ្ពស់ផ្នែកគណនេយ្យនិងហិរញ្ញវត្ថុពីវិទ្យាស្ថាន ហិរញ្ញវត្ថុ និង គណនេយ្យ (IFA) នៅក្នុងឆ្នាំ២០២៣។ លោកក៏ទទួលបានសញ្ញាបត្របរិញ្ញាបត្រពីសាកលវិទ្យាល័យន័រតុនផ្នែកគ្រប់គ្រងអាជីវកម្ម ជំនាញឯកទេសគណនេយ្យក្នុងឆ្នាំ ២០០៩ និងបរិញ្ញាបត្ររងពីមជ្ឈមណ្ឌល Banana នៅក្នុងផ្នែកគ្រប់គ្រងធុរកិច្ច ជំនាញគណនេយ្យនៅឆ្នាំ ២០០៦ លោកចាន់វណ្ណៈក៏បានចូលរួមវគ្គបណ្តុះបណ្តាលជាច្រើននៅក្នុងប្រទេសកម្ពុជាដែលទាក់ទងទៅនឹងសវនកម្ម, ហិរញ្ញវត្ថុ និងពន្ធដារផងដែរ។
លោក ជុំ រិទ្ធី កើតនៅឆ្នាំ ១៩៧៩។ លោកបានបញ្ចប់ការសិក្សាថ្នាក់បរិញ្ញាប័ត្រជាន់ខ្ពស់ ទៅលើផ្នែកគ្រប់គ្រង នៅវិទ្យាស្ថានជាតិពាណិជ្ជសាស្ត្រ។ លោកមានបទពិសោធន៍១៦ឆ្នាំក្នុងកិច្ចការឥណទាន។ នៅក្នុងខែ កញ្ញា ឆ្នាំ ២០០៤ ដល់ខែ ឧសភា ឆ្នាំ ២០០៨ លោកបានចូលបម្រើការនៅគ្រឹះស្ថានមីក្រូហិរញ្ញវត្ថុ ប្រាសាក់ ក្នុងតួនាទីជា មន្ដ្រីឥណទាន នឹងបានដំឡើងតួនាទីជាប្រធានសាខានៅខែ មិថុនា ឆ្នាំ ២០០៨ រហូតដល់ឆ្នាំ ២០១៤។ នៅឆ្នាំ ២០១៥ ដល់ឆ្នាំ ២០១៨ លោកបានផ្លាស់ប្ដូរកន្លែងការងារទៅគ្រឹះស្ថានមីក្រូហិរញ្ញវត្ថុ លី ហួរ ក្នុងតួនាទីជា ប្រធានសាខា ។ នៅក្នុងខែ សីហា ឆ្នាំ ២០២១ លោក បានចូលមកបម្រើការងារជាមួយគ្រឹះស្ថានមីក្រូហិរញ្ញវត្ថុ អនាគត ភីអិលស៊ី ក្នុងតួនាទីជា មន្ត្រីវាយតំលៃឥណទានជាន់ខ្ពស់ ហើយនៅខែ សីហា ឆ្នាំ ២០២២ បានឡើងតំណែងជាប្រធានគាំទ្រសាខា។
អ្នកស្រី វ៉ាត ស្រីពៅ ជាប្រធានធនធានមនុស្ស និងរដ្ឋបាល នៃគ្រឹះស្ថានមីក្រូហិរញ្ញវត្ថុ អនាគត ភីអិលស៊ី។ អ្នកស្រីកើតនៅថ្ងៃទី២០ ខែឧសភា ឆ្នាំ១៩៨៨។ អ្នកស្រីក៏បានចូលមកបម្រើការងារជាមួយ គ្រឹះស្ថានមីក្រូហិរញ្ញវត្ថុអនាគត ភីអិលស៊ី នៅខែធ្នូ ឆ្នាំ២០២១។ អ្នកស្រីបានបញ្ចប់ការសិក្សាថ្នាក់បរិញ្ញាបត្រ ផ្នែកធនាគារ និងហិរញ្ញវត្ថុ ពីសាកលវិទ្យាល័យវេស្ទើន។ មុនពេលអ្នកស្រីចូលបម្រើការងារនៅគ្រឹះស្ថានមីក្រូហិរញ្ញវត្ថុ អនាគត ភីអិលស៊ី អ្នកស្រីធ្លាប់បានបម្រើការងារជា មន្រ្តីបណ្ដុះបណ្ដាលជាន់ខ្ពស់ និងជ្រើសរើសបុគ្គលិក នៃគ្រឹះស្ថាន សំរឹទ្ធិស័ក មីក្រូហិរញ្ញវត្ថុ ពីឆ្នាំ២០១៩ ដល់ឆ្នាំ២០២១ និងជាមន្រ្តីបណ្ដុះបណ្ដាល នៃគ្រឹះស្ថានមីក្រូហិរញ្ញវត្ថុ ប្រាសាក់ ពីឆ្នាំ២០១៥ ដល់ឆ្នាំ២០១៨។ ក្រៅពីការសិក្សា នៅសាកលវិទ្យាល័យ អ្នកស្រីបានចូលរួមវគ្គបណ្តុះបណ្ដាល ជាច្រើនទៀត ដែលទាក់ទងការបណ្ដុះបណ្ដាល និងផ្នែកទំនាក់ទំនង។
លោក ជា សុខលីម កើតនៅឆ្នាំ១៩៨៧។ លោកបានបញ្ចប់ការសិក្សាថ្នាក់បរិញ្ញាបត្រ ផ្នែកគ្រប់គ្រងព័ត៌មានវិទ្យា នៅក្នុងវិទ្យាស្ថានសុីតិក។ លោកមានបទពិសោធន៍ច្រើនជាង ១១ឆ្នាំ ក្នុងកិច្ចការងារផ្នែកព័ត៌មានវិទ្យា។ នៅក្នុងឆ្នាំ២០០៩ រហូតដល់ឆ្នាំ២០១៤ លោកបានបម្រើការងារនៅក្នុងក្រុមហ៊ុនផ្គត់ផ្គង់សេវាកម្មប្រព័ន្ធព័ត៌មានវិទ្យាដ៏ធំមួយនៅក្នុងស្រុក ក្នុងតួនាទីជា វិស្វកម្មម៉ាសុីនមេនិងការផ្ទុក។ នៅឆ្នាំ២០១៤ ដល់ឆ្នាំ២០២២ លោកបានផ្លាស់ប្តូរកន្លែងការងារទៅ គ្រឹះស្ថានមីក្រូហិរញ្ញវត្ថុ ប្រសិទ្ធភាព ហ្វាយនែន ភីអិលសុី ក្នុងតួនាទីជា ប្រធានផ្នែកព័ត៌មានវិទ្យា។ នៅក្នុងខែសីហា ឆ្នាំ២០២៣ លោកបានផ្លាស់ប្តូរទីកន្លែងការងារ មកបម្រើការងារជាមួយនឹងគ្រឹះស្ថានមីក្រូហិរញ្ញវត្ថុ អនាគត ភីអិលស៊ី ក្នុងតួនាទីជាប្រធានព័ត៌មានវិទ្យា។
អ្នកស្រី សៅ រ៉ាឌី ជាប្រធានគណនេយ្យ នៃគ្រឹះស្ថានមីក្រូហិរញ្ញវត្ថុ អនាគត ភីអិលស៊ី ។ អ្នកស្រីកើតនៅឆ្នាំ១៩៨៥ អ្នកស្រីបានចាប់ផ្ដើមបម្រើ ការងារជាមួយគ្រឹះស្ថានមីក្រូហិរញ្ញវត្ថុ អនាគត ភីអិលស៊ី នៅខែកក្កដា ឆ្នាំ២០១៦។ អ្នកស្រីបានបញ្ចប់ការសិក្សាថ្នាក់បរិញ្ញាបត្រ ផ្នែកគណនេយ្យ នៅសាកលវិទ្យាល័យគ្រប់គ្រង និងសេដ្ឋកិច្ច ។ មុនពេលអ្នកស្រីចូលបម្រើការងារនៅគ្រឹះស្ថានមីក្រូហិរញ្ញវត្ថុ អនាគត ភីអិលស៊ី អ្នកស្រីធ្លាប់បម្រើការងារ នៅគ្រឹះស្ថានមីក្រូហិរញ្ញវត្ថុ ហត្ថាកសិករ លីមីធីត អស់រយៈពេល ៦ឆ្នាំពីឆ្នាំ ២០០៨ ដល់ចុងឆ្នាំ ២០១៤ តួនាទីចុងក្រោយជាប្រធានគណនេយ្យ។ ក្រៅពីការសិក្សានៅសាកលវិទ្យាល័យ អ្នកស្រីក៏បានចូលរួមវគ្គបណ្តុះបណ្តាលជាច្រើនទៀត ទៅលើផ្នែកគណនេយ្យ ។
Head Office
House 245, Monivong Boulevard, Sangkat Orussey 4, Khan 7 Makara, Phnom Penh, Camodia.
(855) 23 223 139
E-mail: info@anakutmfi.com
follow us
